Ýürekler buýsançdan doly
10.03.2022
Maral GIJIJIKOWA,
Wekilbazar etrabynyň ýaşaýjysy, öý hojalykçy:
— Berkarar döwletiň täze eýýamynyň Galkynyşy döwründe mährem enelere, gelin-gyzlara aýratyn sarpa goýýan hormatly Prezidentimiziň saýasynda erkana ýaşamak, yhlasly işlemek, bagtyýar nesillerimize terbiýe bermek diýseň gowy. Çünki, milli Liderimiziň saýasynda ýaş nesilleri döwrebap kemala getirmekde uly mümkinçilikler döredilýär.
Halkyň Arkadagly zamanasy ýylynda zenanlara uly hormat goýulýandygyna ýene bir gezek göz ýetirdim. Sebäbi, alym Arkadagymyz biz — zenanlary ýylyň-ýylyna pul sowgady bilen gutlaýar. Şu ýyl bolsa, maňa “Ene mähri” diýen hormatly ada mynasyp bolmak nesip etdi. Gahryman Arkadagymyzyň biz—eneleri elmydama üns merkezinde saklaýandygyna diýseň buýsanýarys, begenýäris.
Şeýle ajaýyp zamanada, bagtyýar durmuşda ýaşamagymyz, nesillerimizi ilhalar ýaşlar edip ýetişdirmegimiz üçin irginsiz aladalanýan hormatly Prezidentimiziň jany sag, ömri uzak bolsun!
