Il saglygy — ýurt baýlygy
08.07.2021
Mary şäher iç keselleri hassahanasynyň umumy terapiýa bölüminiň müdiri Çarymyrat Annamuhammedow il alkyşyna eýe bolýan lukmanlaryň hatarynda tanalýar. Ol bölüme ýüz tutup gelýän her bir näsagy güler ýüz, hoş söz bilen garşy alýar. Şonuň üçinem Çarymyrat lukmanyň ady il içinde uly hormat bilen tutulýar.
Näsaglaryň saglygyny dikeltmekde kärdeşlerine görelde görkezýän Çarymyrat Annamuhammedow bölümiň şepagat uýasy Miwe Ýazmyradowa bilen her bir näsagyň tiz sagalmagy ugrunda uly alada edýär. Şonuň üçinem, bularyň gazanýanlary abraý, alýanlary alkyş bolýar.
SURATDA: hassahananyň umumy terapiýa bölüminiň müdiri Çarymyrat Annamuhammedowyň bölümiň şepagat uýasy Miwe Ýazmyradowa bilen näsagy barlap duran pursaty.
Surata düşüren Şamyrat AMADOW.
