Il saglygy — ýurt baýlygy
20.04.2021
Ýolöten etrabyndaky “Altyn nesil” atly 16-njy çagalar bakja-bagyna işine ökde Ogulbeg Pälwanowa ýolbaşçylyk edýär. Çagalar bakja-bagynda Güljahan Seýitgulyýewa, Ogulbibi Annadurdyýewa, Altyn Çopanowa, Jeren Nuryýewa we beýlekiler 127 çaganyň döwrüň ösen talaplaryna eýerip, Watanymyzyň gerekli oguldyr gyzlary bolup ýetişmekleri ugrunda yhlasly zähmet çekýärler.
Bu bakja-bagyň şepagat uýasy Dursun Sadykowa 20 ýyla golaý işläp, baý iş tejribe toplap, her gün işini meýilnama esasynda alyp barýar. Ol çagalaryň saglygyny gündelik barlap, olara säheriň arassa howasynda irki maşklary ýerine ýetirdip, sagdyn bedenli bolup kemala gelmekleri ugrunda aladalanýar.
SURATDA: Dursun Sadykowanyň körpeleriň saglygyny barlap duran pursaty.
Surata düşüren Çary AMANGELDIÝEW.
